Lindex Kids opnar í Holtagörðum

Fréttatilkynning frá Lindex á Íslandi

11. apríl 2025

Lindex Kids opnar í Holtagörðum -verslunin opnar við hlið nýrri verslun Bónus

Lindex á Íslandi fagnar opnun nýrrar barnafataverslunar á laugardag kl. 12:00 í Holtagörðum. Lindex er ein stærsta tískufatakeðja Norður Evrópu með um 440 verslanir í 17 löndum. Lindex býður upp á tískufatnað fyrir konur, undirföt, snyrtivörur og fylgihluti sem og fatnað á börn og unglinga á hagkvæmu verði.

„Það hefur sýnt sig að uppgangur Holtagarða er ótvíræður en Lindex státar af breiðasta og víðtækasta neti verslana af okkar gerð á Íslandi og lá því beint við að þiggja boð Reita

um að koma okkur fyrir í þessu vaxandi verslunarsvæði Reykvíkinga,“ segir Lóa D. Kristjánsdóttir, umboðsaðili Lindex á Íslandi.

Í upphafi árs 2023 lögðust eigendur Holtagarða, Reitir fasteignafélag, í endurbætur á verslunarmiðstöðinni með það markmið að bæta upplifun gesta, m.a. með því að bæta aðgengi og flæði um húsið. Framkvæmdum er lokið og eru flest rými þegar í útleigu.

„Við erum virkilega glöð að taka á móti Lindex í Holtagarða þar sem fjölbreytt úrval verslana og þjónustu eykst sífellt. Áætlað er að um 1 milljón gesta heimsæki nú Holtagarða ár hvert og
með komu Lindex eflist þessi verslunaráfangastaður enn frekar,“ segir Auðunn Sólberg, viðskiptastjóri hjá Reitum.

Verslunin er staðsett í Holtagörðum við hlið Bónuss þar sem nýinnréttuð matvöruverslun stendur. Lindex verslunin mun bjóða upp á ungbarnafatnað Lindex sem inniheldur einungis umhverfisvæna, lífræna bómull. Baby vörulína Lindex er sérstaklega hönnuð með það í huga að vörurnar geti nýst eins lengi og mögulegt er með því að vera árstíðalausar í hönnun og litavali, ásamt því að reglulega eru kynntar fallegar hátíðarlínur sem falla vel að hinni tímalausu heild. Fatnaðurinn hefur gagnlegar lausnir eins og auka röð af hnöppum á samfellum og uppbrettanlegar ermar sem gerir kleift að stækka flíkina um eina stærð. Baby línan ásamt barna- og unglingafatnaði í stærðunum 92- 170 verður í boði í hinni nýju Lindex Kids í Holtagörðum.

Lindex leggur mikla áherslu á samfélagslega ábyrgð og virðingu fyrir því hvernig varan er framleidd þ.e. umhverfið og fólkið sem framleiðir vöruna og þetta endurspeglast best í stöðugt auknu framboði vara framleiddum úr lífrænni bómull. 78% af framleiðslunni er framleitt með sjálfbærum og umhverfisvænum hætti. Langstærstur hluti af barnalínu Lindex er framleiddur úr lífrænni bómull og endurunnum efnum og við hönnun eru þarfir barnanna í fyrirrúmi. Fyrirtækið vinnur einnig gegn kynjamisrétti í fátækustu ríkjum heims og hjálpar konum að sækja sér menntun og heilbrigðisþjónustu í gegnum verkefni eins og HERproject og WEWomen by Lindex.

Nokkrar lykilstaðreyndir um Lindex

• Lindex rekur nú 11 verslanir á Íslandi, í Smáralind, Kringlunni, á Glerártorgi á Akureyri, miðbæ Akraness, í Krossmóum í Reykjanesbæ, á Selfossi og Miðvangi Egilsstöðum, Firðinum í Hafnarfirði ásamt netverslun lindex.is og nú í Holtagörðum.
• Lindex býður upp á kventískufatnað, nærfatnað og barnafatnað auk snyrtivara
• Lindex starfrækir um 440 verslanir í 17 löndum og verslanir á netinu í öllum ESB löndum
• Hjá fyrirtækinu starfa um 4.300 manns og 110 manns á Íslandi
• Aðalskrifstofur Lindex eru í Gautaborg i Svíþjóð
• Lindex tilheyrir Lindex Group sem er aðili að finnsku kauphöllinni
• Lindex á Íslandi styður baráttu UNICEF fyrir bættum hag barna í heiminum og Krabbameinsfélag Íslands Frekari upplýsingar má finna á www.lindex.com og á Facebook – Lindex Iceland

Nánari upplýsingar veita undirrituð góðfúslega:

Anna Margrét Kristjánsdóttir
Tölvup.: annam@lindex.is

Lóa D. Kristjánsdóttir
Tölvup.: loadagbjort@gmail.com Albert Þór Magnússon

Tölvup.: albert@lindex.is

Sími +354 8452588 Sími: 771-7493 Sími: 691-3101

Lindex á Íslandi / Skeiðarás 8, 210 Garðabæ/ Sími: 591-9099 www.lindex.is - Facebook: Lindex Iceland