7. júní 2023
„Við erum ótrúlega spennt fyrir að mæta í Hafnarfjörðinn en ég á ættir mínar að rekja hingað og eigum við fjölskyldan verslunarsögu hér sem spannar yfir tvö hundrað ár og stendur því opnunin okkur mjög nærri. Það hefur verið sérlega ánægjulegt að vinna að þessu með fólkinu í Firðinum og við erum virkilega spennt fyrir að koma í Hafnarfjörðinn,“ segir Lóa D. Kristjánsdóttir, umboðsaðili Lindex á Íslandi.
Miklar breytingar standa yfir í Firðinum í Hafnarfirði sem kynntar hafa verið en verslunarsvæði á jarðhæð mun u.þ.b. tvöfaldast með tengingu við aðalverslunargötu Hafnarfjarðar, Strandgötu og fyrirhugað er margmiðlunarbókasafn ásamt stórbættu veitingasvæði ásamt aðstöðu fyrir starfsemi Hafnarfjarbæjar. Þar að auki verður íbúðarhúsnæði á efri hæðum nýbyggingarinnar ásamt hóteli sem nú er í smíðum. „Við erum afar glöð að taka á móti Lindex hér í Firðinum samhliða þeim miklu breytingum sem hér standa fyrir dyrum. Við teljum að barnafatnaður Lindex fari einstaklega vel með þeim verslunum og þjónustu sem er nú þegar til staðar í Firði, sem dæmi má nefna eina stærstu leikfangaverslun landsins. Við horfum því fram á veginn full af bjartsýni!“ segir Guðmundur Bjarni Harðarson, framkvæmdastjóri Fjarðarins. Verslunin er staðsett í Firðinum við hlið Pósthússins þar sem áður var matvöruverslun og mun bjóða upp á ungbarnafatnað Lindex í stærðunum 44-86 sem inniheldur einungis umhverfisvæna, lífræna bómull ásamt barna- og unglingafatnaði í stærðunum 92-170. Verslunin mun standa óbreytt á meðan á ofangreindum framkvæmdum stendur en unnið er að því að Lindex opni stærri og enn betri verslun í endurbættri verslunarmiðstöð sem áætlað er að opni í lok næsta árs.
Lindex leggur mikla áherslu á samfélagslega ábyrgð og virðingu fyrir því hvernig varan er framleidd þ.e. umhverfið og fólkið sem framleiðir vöruna og þetta endurspeglast best í stöðugt auknu framboði vara framleiddum úr lífrænni bómull. Fyrirtækið hefur einsett sér að 80% af framleiðslunni verði framleitt með sjálfbærum og umhverfisvænum hætti fyrir lok næsta árs. Langstærstur hluti af barnalínu Lindex er framleiddur úr lífrænni bómull og endurunnum efnum og við hönnun eru þarfir barnanna í fyrirrúmi. Fyrirtækið vinnur einnig gegn kynjamisrétti í fátækustu ríkjum heims og hjálpar konum að sækja sér menntun og heilbrigðisþjónustu í gegnum verkefni eins og HERproject og WEWomen by Lindex.
Frekari upplýsingar má finna á www.lindex.com og á Facebook – Lindex Iceland.
Lóa D. Kristjánsdóttir // Sími: 771-7493 // loadagbjort@gmail.com
Albert Þór Magnússon // Sími: 691-3101 // albert@lindex.is
Guðmundur Bjarni Harðason // Sími: 615-0009 // gudmundur@fjordur.is
Lindex á Íslandi / Skeiðarás 8, 210 Garðabæ/ Sími: 591-9099 www.lindex.is - Facebook: Lindex Iceland
Í Kringlunni og Smáralind gefst þér kæri viðskiptavinur enn frekara tækifæri til að styðja við málefni fjölskyldna á Íslandi með því að setja pakka undir tréð en ákall hefur borist frá þessum samstarfsaðilum okkar og munum við bregðast við ákallinu samhliða því að fá ykkur til liðs við okkar.
Gleðileg jól!
]]>Líkt og undanfarin ár styður Lindex við starf bleiku slaufunnar og baráttuna gegn brjóstakrabbameini. Átak þar sem starfsfólk og viðskiptavinir Lindex sameinast í að safna fé fyrir þetta mikilvæga málefni. Nú í ár hefur Lindex hannað kósýfatalínu þar sem bæði mamman og börnin geta verið í stíl en 10% af sölu línunnar í október rennur til styrktar rannsóknum á brjóstakrabbameini.
“Við höfum stutt við málefnið í næstum 10 ár eða síðan við opnuðum á Íslandi því þessi barátta skiptir okkur og viðskiptavini okkar miklu máli, við höfum átt frábært samstarf við Krabbameinsfélagið og fögnum því að geta lagt þeirra frábæra starfi lið” segir Lóa Dagbjört umboðsaðili Lindex á Íslandi.
Bleika línan 2021 samastendur af kósýfötum í hvítum, brúnum og dimmbleikum litum úr velúr, mjúku pile efni og kósý bouclé efni. Í línunni eru bæði dömu-og barnaföt svo bæði móðir og barn geta átt hlýjar kósýstundir saman í vetur.
Í bleika mánuðinum leggur fyrirtækið mikla áherslu á að auka meðvitund um mikilvægi þess að konur skoði brjóst sín reglulega og hvetur þær til að skoða leiðbeiningar sem sýna skref fyrir skref hvernig best er að framkvæma sjálfsskoðun.
Línan kemur í sölu í völdum verslunum Lindex og í vefverslun lindex.is á bleika deginum 15.okt en þann dag mun 10% af allri sölu fyrirtækisins renna til styrktar rannsóknum á brjóstakrabbameini á Íslandi.
Lindex á Íslandi hefur stutt baráttuna síðan árið 2012 og hefur með hjálp viðskiptavina sinna safnað um 20 milljónum til styrktar málefninu.
]]>
Lindex hefur nú opnað sína stærstu verslun utan höfuðborgarsvæðisins, á Selfossi á undan áætlun. Verslunarrýmið sem telur um 800 fm. opnaði með nýjustu innréttingahönnun félagsins en með þessu skrefi er tískuvörumerkið það eina sem starfar í öllum fjórum landshornum ásamt því að reka netverslun lindex.is. Verslunin er sú 9. í röð verslana sem starfar hér á landi.
„Það er sérlega gaman að koma heim ef svo má segja og loka hringnum sem hófst í bílskúr hér á Selfossi. Með 75 þús. kr. í startfé lögðum við af stað í ferðalag um landið og markar þetta tímamót að nú, rúmlega tíu árum seinna, skulum við vera að opna í okkar heimabæ, meðal vina og ættingja. Sagt er að hver vegur að heiman sé vegurinn heim og við gætum ekki verið glaðari með að geta fagnað með fólkinu okkar á þessari hátíðarstundu en segja má að Lindex sé nú loks komið heim,“ -segir Lóa Dagbjört Kristjánsdóttir, umboðsaðili Lindex.
Lindex opnaði fyrstu verslun sína í Smáralind árið 2011 og þurfti raunar að loka fáeinum dögum síðar vegna vöruskorts. Ásamt því að vera með 3 verslanir á höfuðborgarsvæðinu rekur Lindex verslanir á Akranesi, Suðurnesjum, Akureyri, Egilsstöðum, netverslun lindex.is og bætist nú Selfoss í hópinn.
Lindex hugðist opna formlega þann 7. ágúst en vegna samkomutakmarkana og þeirrar staðreyndar að verslunin var tilbúin fyrr en áætlanir sögðu til um var ákveðið að opna 31. júlí síðastliðinn.
Nokkrar lykilstaðreyndir um Lindex:
-Hagkaup lokar sérvöruverslun sinni í byrjun júní og Lindex opnar þess í stað.
„Við höfum leitað lausna í nokkur ár til að fylgja eftir opnunum á Akranesi, Suðurnesjum og síðast á Egilsstöðum með verslun í okkar heimabæ, á Selfossi-þar sem þetta allt saman byrjaði. Áhuginn hefur ekki látið á sér standa en það er mikið gleðiefni að samningar skuli hafa náðst við Haga um verslunarrýmið við hlið Bónus. Við mátum það svo að við vildum hafa verslunina á Selfossi stærri en áður hafði verið kynnt og bjóða uppá allar vörulínur Lindex. Nýja verslunin verður því stærsta Lindex verslun okkar utan höfuðborgarsvæðisins, tæpir 700 fermetrar og stóð því öðrum valkostum framar. Til viðbótar er það einnig sérlega ánægjulegt að 10 ár eru liðin frá því að við opnuðum okkar fyrstu verslun og nú áratug sienna erum við að opna okkar stærstu verslun utan höfuðborgarsvæðisins og á þeim stað þar sem þetta allt hófst, í minum heimabæ, Selfoss. Eftir langa bið erum við því full tilhlökkunar að fagna sumrinu og opna á Sumar á Selfossi þann 7. ágúst“, segir Lóa D. Kristjánsdóttir umboðsaðili Lindex á Íslandi.
Ný og björt hönnun og öll vörulínan býðst á Selfossi
Þess ber að geta að nýja verslunin á Selfossi verður byggð upp með nýrri innréttingahönnun Lindex sem leit fyrst dagsins ljós við opnun verslunarinnar í London. Hönnunin byggir á björtum litum með ólíkum litbrigðum hvítra lita í bland við svart og viðar sem gefur útliti verslunarinnar skandínavískt yfirbragð. Verslunin mun því veita viðskiptavinum innblástur og einstaklega hlýlegar móttökur og eins og áður segir, sú stærsta utan höfuðborgarsvæðisins og því boðið upp á heildarvörulínu Lindex.
Samfélagsleg ábyrgð
Lindex leggur mikla áherslu á samfélagslega ábyrgð og virðingu fyrir því hvernig varan er framleidd þ.e. umhverfinu og manneskjunni sem framleiðir vöruna sem endurspeglast í stöðugt auknu framboði vara framleiddum úr lífrænni bómull. Fyrirtækið hefur einsett sér að 80% af framleiðslunni verði framleitt með sjálfbærum og umhverfisvænum hætti árið 2025. Einnig hefur Lindex stuðlað að endurnýtingu fatnaðar með því að bjóða viðskiptavinum inneign gegn því að skila til verslunarinnar notuðum fatnaði og verður sú þjónusta nú í boði á Selfossi. Að auki má geta í þessu samhengi að Lindex á Íslandi hefur verið stór styrktaraðili Krabbameinsfélags Íslands og Unicef á Íslandi í gegnum árin og þátttaka í samfélagsverkefnum frá upphafi nema nú meira en 100 millj. króna.
Nokkrar lykilstaðreyndir um Lindex:
Í sjálfbærniskýrslunni dregur Lindex árið 2020 saman m.t.t. framfara og áskorana og hvernig fyrirtækið hefur tekist á við heimsfaraldurinn.
Helstu atriði úr skýrslunni eru:
]]>
,,Staðalímyndir hafa oft gefið fyrirframgefnar hugmyndir um það hvernig kvenmannslíkaminn á að líta út'' Þessu höfum við viljað breyta. Við viljum einfaldlega hvetja allar konur til að vera þær sjálfar og elska sjálfa sig eins og þær eru óháð stærð eða vexti , segir Linda Olsson yfirmaður markaðsdeildar Lindex.
Löng saga Lindex sem undirfatafyrirtæki eða allt frá árinu 1954 hefur gefið því einstaka reynslu og þekkingu þegar kemur að hönnun, þægindum og gæðum undirfatnaðar en Lindex er markaðsleiðandi í sölu á undirfatnaði á Norðurlöndunum.
Eitt af höfuðmarkmiðum Lindex er að efla og hvetja allar konur og er þessi undirfataherferð í takt við þau markmið. Hægt er að fylgjast með herferðinni á Instagram síðu Lindex @lindexiceland
Undirfataherferð vorsins hefst 27.jan, sjáðu myndband herferðinnar hér.
Níunda árið í röð styður Lindex baráttuna við brjóstakrabbamein á Íslandi með hjálp viðskiptavina sinna og starfsfólks. Nú í ár mun 10% af allri sölu helgina 16.-18. okt renna til styrktar málefninu auk þess sem fyrirtækið gefur allan ágóða af bleika pokanum og bleiku regnhlífinni. Bleiku vörurnar eru báðar sérhannaðar úr endurunnum efnum.
Við trúum því að við séum sterkari saman og að með sameiginlegu átaki getum við skipt sköpum. Hjá Lindex starfa margar konur og svo eru viðskiptavinir okkar að mestum hluta konur og við finnum til ábyrgðar gagnvart þeim öllum og því finnst okkur mikilvægt að leggja okkar að mörkum í baráttunni. “Frá upphafi hafa safnast um 24 milljónir og það er allt að þakka okkar frábæru viðskiptavinum og starfsfólki” segir Lóa Dagbjört Kristjánsdóttir umboðsaðili Lindex á Íslandi.
Bleiki fjölnota pokinn og bleika regnhlífin fást í öllum verslunum og í netverslun Lindex, www.lindex.is. --
]]>Lindex á Íslandi opnaði í dag nýja verslun í miðbæ Egilsstaða en mikill fjöldi lagði leið sína í verslunina fyrsta daginn eða um helmingur bæjarbúa Egilsstaða og Fellabæjar sem telur tæplega 3.000 íbúa. Lindex er ein stærsta tískufatakeðja Norður Evrópu með um 460 verslanir í 16 löndum. Lindex býður upp á tískufatnað fyrir konur, undirföt, snyrtivörur og fylgihluti sem og fatnað á börn og unglinga á hagkvæmu verði.
„Við erum himinlifandi yfir þessum móttökum sem fara langt fram úr okkar björtustu vonum. Okkur óraði ekki fyrir að um helmingur bæjarbúa myndi koma til okkar fyrsta daginn! Upphafið veit á gott framhald en við erum íbúum Fljótsdalshéraðs og Austfirðingum öllum gríðarlega þakklát fyrir að taka svona hlýlega á móti okkur,.“ segir Lóa D. Kristjánsdóttir, umboðsaðili Lindex á Íslandi.
Fjöldi var saman komin við opnun Lindex Egilsstöðum þegar verslunin opnaði dyr sínar í hádeginu í dag. Greinilega var mikil eftirvænting í loftinu þegar talið var niður í opnun Lindex í fyrsta sinn á Austurlandi.
„Við erum afar glöð og þakklát fyrir að vera komin austur sem þýðir að dreifikerfi okkar spannar nú öll fjögur horn landsins. Verslanir okkar á Vesturlandi, Suðurlandi og Norðurlandi hafa sýnt okkur þann meðbyr sem Lindex hefur og eftir að hafa leitað fanga eftir góðri staðsetningu á Austurlandi í nokkur ár er frábært að geta fagnað þessu svona með þessum frábæru móttökur,“ segir Albert Þór Magnússon umboðsaðili Lindex á Íslandi.
Verslunin er staðsett við hlið Bónuss í Miðvangi, aðalverslunarkjarna miðbæ Egilsstaða og býður upp á allar þrjár meginvörulínur Lindex auk þess sem boðið er upp á nýjustu tækni við verslunina eins og 70 tommu snertiskjái við mátunarklefa til að undirstrika einstaka verslunarupplifun og tryggir þar með einstakt vöruframboð.
„Við vitum ekki til þess að áður hafi helmingur bæjarbúa, í bæjarfélagi sem við erum að opna í heimsótt verslun okkar á fyrsta degi, það hlýtur að vera einhvers konar met!,“ segir Johan Isacson, Director of Franchise hjá Lindex AB.
Nýja verslunin á Egilsstöðum er byggð upp með nýrri innréttingahönnun Lindex sem leit fyrst dagsins ljós við opnun verslunarinnar í London. Hönnunin byggir á björtum litum með ólíkum litbrigðum hvítra lita í bland við svart og viðar sem gefur útliti verslunarinnar Skandínavískt yfirbragð. Verslunin veitir því viðskiptavinum innblástur og einstaklega hlýlegar móttökur.
Lindex leggur mikla áherslu á samfélagslega ábyrgð og virðingu fyrir því hvernig varan er framleidd þ.e. umhverfið og fólkið sem framleiðir vöruna og þetta endurspeglast í stöðugt auknu framboði vara framleiddum úr lífrænni bómull. Fyrirtækið hefur einsett sér að 80% af framleiðslunni verði framleitt með sjálfbærum og umhverfisvænum hætti fyrir lok næsta árs. Lindex kynnti einnig nýlega möguleika til að endurnýta fatnað með því að skila til verslunarinnar og verða umbunað með inneign í gegnum aðild að vildarklúbbnum More at Lindex sem nú býðst Austfirðingum í fyrsta sinn. Langstærstur hluti af barnalínu Lindex er framleiddur úr lífrænni bómull og endurunnum efnum og við hönnun eru þarfir barnanna í fyrirrúmi. Fyrirtækið vinnur einnig gegn kynjamisrétti í fátækustu ríkjum heims og hjálpar konum að sækja sér menntun og heilbrigðisþjónustu í gegnum verkefni eins og HERproject og WEWomen by Lindex.
Nokkrar lykilstaðreyndir um Lindex:
Forráðamenn Lindex á Íslandi hafa ákveðið að opna nýja verslun í miðbæ Egilsstaða nú í haust. Samningur þess efnis hefur verið undirritaður af hálfu Reita og forráðamanna Lindex. Lindex er ein stærsta tískufatakeðja Norður Evrópu með um 500 verslanir í 18 löndum. Lindex býður upp á tískufatnað fyrir konur, undirföt, snyrtivörur og fylgihluti sem og fatnað á börn og unglinga á hagkvæmu verði.
Verslunin verður staðsett við hlið Bónuss í Miðvangi, aðalverslunarkjarna miðbæ Egilsstaða og mun bjóða upp á allar þrjár meginvörulínur Lindex auk þess sem boðið verður upp á nýjustu tækni við verslunina eins og 70 tommu snertiskjái við mátunarklefa til að undirstrika einstaka verslunarupplifun. Framkvæmdir eru þegar hafnar við nýju verslunina og er opnun áætluð á næstu misserum, í síðasta lagi í september.
Miðvangur er verslunarkjarni í miðbæ Egilsstaða sem byggður var árið 2005 og telur um 1.800 m2. og er þar m.a. Bónus, A4 og Subway en nú bætist Lindex við flóruna.
„Við höfum fundið fyrir miklum áhuga á Lindex sem hefur hvatt okkur áfram í að finna stað fyrir verslun okkar hér. Við teljum því einstakt að koma og festa rætur hér á Austurlandi með verslun sem Austlendingar geta kallað sína eigin. Við erum því full tilhlökkunar að koma austur og fagna opnuninni.“ segir Lóa D. Kristjánsdóttir, umboðsaðili Lindex á Íslandi.
Verslunin, sem telur tæplega 300 fm., mun innihalda allar meginvörulínur Lindex. Barnadeildin mun m.a. bjóða upp á ungbarnafatnað sem einungis er framleiddur með lífrænni bómull, barnafatnað og unglingafatnað upp í stærðir 170. Einstök undirfatalína Lindex býður Bravolution brjóstahaldara tæknina sem auðveldar og sparar tíma við verslun undirfatnaðar. Dömudeildin mun m.a. innihalda gallabuxur framleiddar með Better Denim sem minnkar vatnsnotkun um 85% frá hefðbundnum framleiðsluaðferðum.
Lindex leggur mikla áherslu á samfélagslega ábyrgð og virðingu fyrir því hvernig varan er framleidd þ.e. umhverfið og fólkið sem framleiðir vöruna og þetta endurspeglast í stöðugt auknu framboði vara framleiddum úr lífrænni bómull. Fyrirtækið hefur einsett sér að 80% af framleiðslunni verði framleitt með sjálfbærum og umhverfisvænum hætti fyrir lok næsta árs. Lindex kynnti einnig nýlega möguleika til að endurnýta fatnað með því að skila til verslunarinnar og verða umbunað með inneign í gegnum aðild að vildarklúbbnum More at Lindex. Langstærstur hluti af barnalínu Lindex er framleiddur úr lífrænni bómull og endurunnum efnum og við hönnun eru þarfir barnanna í fyrirrúmi. Fyrirtækið vinnur einnig gegn kynjamisrétti í fátækustu ríkjum heims og hjálpar konum að sækja sér menntun og heilbrigðisþjónustu í gegnum verkefni eins og HERproject og WEWomen by Lindex.
Nokkrar lykilstaðreyndir um Lindex:
Lindex rekur nú 6 verslanir á Íslandi, í Smáralind, Kringlunni, á Glerártorgi á Akureyri, miðbæ Akraness og i Krossmóum í Reykjanesbæ.
Lindex býður upp á kventískufatnað, nærfatnað og barnafatnað auk snyrtivara
Lindex starfrækir um 500 verslanir í 18 löndum og verslanir á netinu í öllum ESB löndum
Hjá fyrirtækinu starfa um 5.000 manns og um 100 manns á Íslandi ásamt 10 manns í Danmörku
Aðalskrifstofur Lindex eru í Gautaborg i Svíþjóð
Lindex tilheyrir Stockmann Group sem er aðili að finnsku kauphöllinni
Lindex á Íslandi styður baráttu UNICEF fyrir bættum hag barna í heiminum og Krabbameinsfélag Íslands
Frekari upplýsingar má finna á www.lindex.com og á Facebook – Lindex Iceland
Nánari upplýsingar veitir undirrituð góðfúslega:
Lóa D. Kristjánsdóttir Sími: 771-7493
Tölvup.: loadagbjort@gmail.com
Alþjóðlegu umboðssöluverðlaunin eru virt verðlaun veitt af mest leiðandi tímariti á sviði umboðssölu “Global Franchise Magazine”, sem veitir þeim vörumerkjum viðurkenningu sem vinna fremst meðal jafningja að framþróun umboðssölu. Verðlaunin “Best emerging franchise” er veitt aðila sem hefur vaxið utan síns heimamarkaðar, hefur sannanlega sýnt fram á alþjóðlegar fyrirætlanir, hefur sýnt fram á sterkt samband milli umbjóðanda og umboðsaðila og hefur skapað og sett í framkvæmd nýstárlegar markaðs- og vaxtaráætlanir.
“Það er mikill heiður að veita viðtöku þessum verðlaunum og hljóta viðurkenningu af aðilum sem starfa innan sama geira og við gerum. Lindex er alþjóðlegt tískufyrirtæki með sterkar sænskar rætur og einbeiting okkar og fókus á hönnun og sjálfbærni veitir okkur sérstöðu. Okkar nána samstarf við umboðsaðila okkar ásamt alþjóðlegri hugmyndafræði hefur leitt til árangursríkrar innkomu og uppgangs á fjölda alþjóðlegra markaða,” segir Johan Isacson, yfirmaður umboðsmála hjá Lindex.
Lindex hóf göngu sína sem sænsk undirfataverslun fyrir meira en 65 árum síðan og konan hefur verið í brennidepli frá upphafi. Síðan þá hefur Lindex þróast í að vera sterkt alþjóðlegt tískufyrirtæki sem starfar í 18 löndum en þar af eru 9 með umboðsfyrirkomulagi, m.a. Ísland og Danmörk sem Albert Þór Magnússon og Lóa Dagbjört Kristjánsdóttir fara fyrir sem umboðsaðilar.
“Ég var mjög hrifinn af því hvernig Lindex gat opnað á nýjum mörkuðum við slíkar viðtökur. Þar sem þeir eru búnir að koma sér vel fyrir á sínum heimamarkaði hafa þeir einnig komið sér fyrir með árangursríkum hætti á öðrum mörkuðum í gegnum umboðsaðilafyrirkomulagið og ég sé fyrir mér að þeir geri það áfram. Að selja vörur sem eru í mikilli samkeppni, t.d. við sölu á netinu, er áskorun sem þeir mæta með því að bjóða upp á vörur og umhverfi sem mikil eftirspurn er eftir!” segir Brad Fishman, forstjóri Fishman PR, meðlimur í dómnefndinni.
Verðlaunaathöfnin átti sér stað föstudaginn 7. febrúar 2020 í Orlando, Florida á árlegri ráðstefnu IFA, International Franchise Association, sem er stærsti og virtasti viðburður sinnar tegundar sem haldinn er á ári hverju af þessum elstu og stærstu samtökum umboðsfyrirtækja.
Nokkrar lykilstaðreyndir um Lindex:
Nánari upplýsingar veita undirrituð góðfúslega:
Lóa D. Kristjánsdóttir Sími: 771-7493
Tölvup.: loadagbjort@gmail.com
Albert Þór Magnússon Sími: 691-3101
Tölvup.: albert@ldx.is
,,Við viljum að hver kona geti verið hún sjálf og fundið fyrir innblæstri og sjálfsöryggi, óháð því hver hún er, hvernig hún lítur út eða hvaða leið í lífinu hún hefur valið. Við viljum virkilega sýna hvað við stöndum fyrir í auglýsingunum okkar,– vera náttúruleg, einlæg og án aðgreiningar,” segir Susanne Ehnbåge forstjóri Lindex.
Í undirfataherferð Lindex sjást magnaðar konur í sínu hversdagslega umhverfi.
Að tala fyrir breyttu viðhorfi og jákvæðri líkamsímynd er einnig hluti af sjálfbærniloforði Lindex og grunnurinn að markmiði fyrirtækisins við að efla konur.
Konan hefur alltaf verið í aðalhlutverki hjá Lindex, síðan fyrirtækið opnaði sína fyrstu undirfataverslun fyrir meira en 65 árum síðan. Með þessa arfleifð og mikla reynslu í undirfatnaði hefur Lindex skapað sér markaðsráðandi stöðu á Norðurlöndunum og sem sérfræðingar í hönnun, gæðum og notagildi. Einstök og einföld hugmyndafræði Bravolution gerir það auðveldara að finna rétta brjóstahaldarann og hefur verið gríðarlega vel tekið hjá viðskiptavinum fyrirtækisins.
,,Konan skiptir okkur hjá Lindex öllu máli. Við viljum vera jákvætt afl í daglegu lífi viðskiptavina okkar og höfum alltaf sjónarhorn og þarfir konunnar fremst í öllu sem við gerum. Það er lykillinn að velgengni okkar,” Susanne Ehnbåge.
Undirfataherferð Lindex hefst 4.feb í öllum verslunum og á lindex.is
Blái Herinn hlýtur fyrsta styrk úr Pokasjóði Lindex – 78% viðskiptavina sleppa pokanum
Blái Herinn vinnur brautryðjendastarf í hreinsun á ströndum landsins sem okkur Íslendingum er svo mikilvægt og þegar kynnt var stofnun Pokasjóðs Lindex fyrir um ári síðan var áveðið að samtökin skyldu hljóta fyrsta styrkinn. Pokasjóðurinn byggist upp á því að allur ágóði af sölu Lindex poka gengur til sjóðsins sem úthlutar styrk einu sinni á ári. Nú í fyrsta sinn er úthlutað úr þessum sjóð og nemur upphæðin rúmlega 1,28 milljónum króna sem gengur beint til hreinsunar á ströndum landsins.
Til viðbótar er verkefninu ætlað að sporna gegn sóun og er ánægjulegt að geta þess að einungis 22% viðskiptavina velja nú poka og því tæplega 4 af hverjum 5 viðskiptavinum Lindex sem sleppa nú pokanum.
"Þessi frábæri stuðningur Lindex skiptir okkur miklu máli við hreinsun á ströndum Íslands. Frá stofnun hefur Blái herinn verið fremstur í flokki í hreinsun stranda, hafna, lóða fyrirtækja og fleira á landinu en á tímabilinu hafa farið yfir 71500 vinnustundir í meira en 200 verkefni með 8700 sjálfboðaliðum sem hreinsað hafa yfir 1500 tonn af rusli úr náttúru Íslands,” segir Tómas Knútsson, ábyrgðamaður Bláa Hersins.
Nokkrar lykilstaðreyndir um Lindex:
Lindex rekur nú 7 verslanir á Íslandi, í Smáralind, 2 í Kringlunni, á Glerártorgi á Akureyri, Krossmóum í Reykjanesbæ og miðbæ Akranesi.
Lindex býður upp á kventískufatnað, nærfatnað og barnafatnað ásamt snyrtivörum
Lindex starfrækir um 460 verslanir í 16 löndum og verslanir á netinu í öllum ESB löndum
Hjá fyrirtækinu starfa um 5.000 manns og um 100 manns á Íslandi
Aðalskrifstofur Lindex eru í Gautaborg i Svíþjóð
Lindex tilheyrir Stockmann Group sem er aðili að finnsku kauphöllinni
Lindex á Íslandi styður baráttu UNICEF fyrir bættum hag barna í heiminum og Krabbameinsfélag Íslands
Frekari upplýsingar má finna á www.lindex.com og á lindex.is
Nánari upplýsingar veita undirrituð góðfúslega:
Lóa D. Kristjánsdóttir Sími: 771-7493
Tómas J. Knútsson, ábyrgðarmaður Sími: 897-6696
Eftir frábær 8 ár er komið að því að fyrsta Lindex verslunin á Íslandi fái upplyftingu og verður að þeim sökum lokuð næstu 3 daga vegna gagngerra endurbóta.
Verslunin hefur frá opnun árið 2011 tekið á móti milljónum gesta og hafa forsvarsmenn hennar ákveðið að endurnýja verslunina með því markmiði að halda áfram að bjóða viðskiptavinum sínum uppá tískuupplifun á heimsmælikvarða.
Hið nýja útlit verslunarinnar verður eftir svokallaðri „clean concept“ hönnun en hönnunin byggir á björtu yfirbragði þar sem hvítur er áberandi litur í bland við svart og viðartóna sem gefa versluninni skandinavískt yfirbragð. Uppsetning verslunarinnar mun einnig breytast töluvert og ýmsar nýjungar vera kynntar.
Hugmyndafræði Lindex byggir á sjálfbærni
Hugmyndafræði „clean concept“ nær einnig til umhverfis- og sjálfbærnistefnu Lindex og endurspeglast í stöðugt auknu framboði vara framleiddum með sjálfbærum hætti. Fyrirtækið hefur einsett sér að 80% af framleiðslunni verði framleidd með sjálfbærum hætti fyrir árið 2020 og 100% af bómull Lindex verði framleidd með lífrænum/sjálfbærum hætti fyrir þann tíma. En þess ber að geta að langstærstur hluti af barnalínu Lindex er framleiddur úr lífrænni bómull og/eða endurunnum efnum. Lindex býður einnig viðskiptavinum sínum að endurnýta fatnað með því að skila notuðum fatnaði til verslunarinnar gegn inneign.
„Við erum ótrúlega spennt fyrir þessum breytingum, nýja útlitið er bjart og stílhreint og við eigum auðveldara með að gera okkar fallegu vörum enn betri skil auk þess sem verslunin verður mun aðgengilegri fyrir okkar frábæru viðskiptavini. Við hlökkum til að heyra hvað þeim finnst um þessar breytingar“ segir Lóa Dagbjört Kristjánsdóttir umboðsaðili Lindex á Íslandi.
Verslunin verður lokuð frá deginum í dag, mánudeginum 18.febrúar t.o.m. næsta miðvikudags, 20.febrúar.
]]>Lindex kynnir nýjungar í ungbarnalínum sem framleiddar eru á sjálfbæran hátt. Línurnar eru framleiddar úr lífrænni bómull eða endurunnum efnum og eru allar flíkurnar í henni með GOTS vottun en sú vottun tryggir rekjanleika lífrænu bómullarinnar og tekur mið af félags-og umhverfislegum skilyrðum í öllu framleiðsluferlinu, frá trefjum til fullunnar vöru. Fötin eru framleidd með gæði og endingu að leiðarljósi og hönnuð með daglegar þarfir barnsins í huga.
,,Línan endurspeglar þá eiginleika sem við höfum lagt mesta áherslu á; gæði, hönnun, mýkt og framleidd á sjálfbæran hátt. Allar flíkurnar í línunum eru í frábærum gæðum og hafa þá eiginleika að stækka með barninu svo þú getur í rauninni stækkað flíkina um heila stærð. Við viljum að fötin endist vel svo hægt sé að gefa þau áfram þótt svo að barnið sé vaxið uppúr flíkinni segir Lóa Dagbjört Kristjánsdóttir, umboðsaðili Lindex á Íslandi".
Með þessum nýju línum mun ungbarnadeildin okkar aðeins breytast og mun nú skiptast yfir í 2 ólík þema sem vega hvort annað fullkomlega upp, “Mjúk náttúra” (e.Soft Nature) og “Litadýrð” (e. Color pops). Soft nature er lína með rómantísku Skandinavísku yfirbragði, með handmáluðu prenti í mildum litum. Myndirnar eru innblásnar af náttúrunni og við sjáum allskonar dýr í þessu ævintýralega þema. Color pops er litrík lína með björtum litum og skemmtilegu prenti þar sem, eins og nafnið gefur til kynna litirnir eru allsráðandi. Það er auðvelt að blanda saman flíkum úr báðum línunum og í þeim finnur þú allt sem þú þarft fyrir barnið. Lindex notar alltaf lífræna bómull eða endurunnin efni í barnalínuna og vörurnar eru alltaf með GOTS vottun.
Línan er nú fáanleg í öllum verslunum Lindex á Íslandi.
LESA MEIRA UM GOTS-VOTTUNINA HÉR
Lindex - We make fashion feel good.
]]>-Jólasveinninn mætir, Sannar gjafir til sýnis og Krakka-karíókí!
Á laugardaginn, 8. desember, verður UNICEF dagurinn haldinn í verslun Lindex í Smáralind frá kl 13-16. Margt verður um að vera í versluninni: jólasveinninn mætir á svæðið, hægt verður að lita jólakort í föndurhorninu og krakka-karíókí verður í boði með þeim Þórunni Antóníu og Dóru Júlíu. Einnig mun starfsfólk UNICEF bjóða börnum og fullorðnum uppá skemmtilega fræðslu og sýna hvernig hjálpargögn keypt á Íslandi geta nýst börnum í neyð.
]]>Við fögnum samstarfinu með 30-50% afslætti af úlpum og útifatnaði.
Á laugardaginn, 8. desember, verður UNICEF dagurinn haldinn í verslun Lindex í Smáralind frá kl 13-16. Dagurinn var í fyrsta sinn haldinn hátíðlegur í fyrra og heppnaðist frábærlega þannig að ákveðið var að endurtaka leikinn í ár. Margt verður um að vera í versluninni: jólasveinninn mætir á svæðið og geta gestir og gangandi fengið mynd af sér með sveinka, hægt verður að lita jólakort í föndurhorninu og krakka-karíókí verður í boði með þeim Þórunni Antóníu og Dóru Júlíu. Einnig mun starfsfólk UNICEF bjóða börnum og fullorðnum uppá skemmtilega fræðslu og sýna hvernig hjálpargögn keypt á Íslandi geta nýst börnum í neyð .
Samstarf sem hefur þegar skilað um 25 milljónum
UNICEF á Íslandi og Lindex hafa verið samstarfsaðilar til fjölda ára. Samstarfið hefur í heildinna skilað 25 milljónum fyrir börn um allan heim, meðal annars í gegnum sölu á Sönnum gjöfum í öllum verslunum Lindex fyrir jólin.
Öll börn eiga rétt á menntun
Sannar gjafir eru hjálpargögn sem bæta líf barna um allan heim. Í verslunum Lindex eru hjálpargögn á borð við hlý teppi, vatnshreinsitöflur, vítamínbætt jarðhnetumauk og ormalyf til sölu sem falleg jólakort. Íslensku jólasveinarnir prýða kortin, en þeir stilltu sér allir upp með sín uppáhalds hjálpargögn og Brian Pilkington teiknaði þá. UNICEF mun síðan sjá til þess að koma hjálpargögnunum til þeirra barna sem á þurfa að halda.
„Öll börn, stór og smá, eiga rétt á að fara í skóla“, sagði Stúfur sem valdi námsgögn sem sín uppáhalds hjálpargögn. Stúfur vonast til að viðskiptavinir Lindex muni hjálpa honum að útvega námsgögn þannig að börn sem búa við erfiðar aðstæður geti haldið áfram að læra.
“Það var mikil gleði og gaman á UNICEF deginum í fyrra og við vonumst til þess að fólk sem á leið í Smáralind kíki við og fræðist um það hvernig hægt er að hjálpa börnum í neyð nú um jólin,“ segir Ingibjörg Magnúsdóttir, verkefnastýra hjá UNICEF á Íslandi. „Okkur þykir mjög vænt um þetta samstarf og erum viðskiptavinum og starfsfólki Lindex ævinlega þákklát fyrir að hjálpa okkur að útvega hjálpargögn fyrir börn sem búa nú við erfiðar aðstæður,“ segir Ingibjörg ennfremur.
Yfir 6 þúsund Sannar gjafir selst hjá Lindex-jafngildir 400 skólum í kassa eða 1,5 milljónum ormalyfja
Viðskiptavinir Lindex hafa tekið mjög vel í jólaátakið síðustu ár og hafa yfir 6.000 Sannar gjafir selst hjá Lindex frá upphafi sem UNICEF hefur notað í þágu barna þar sem þörfin er mest. Jafngildir það um 1,5 milljón skammta ormalyfjum eða 400 skólar í kassa til þess að börn sem búa í flóttamannabúðum geti haldið áfram námi.
Að auki hefur Lindex á Íslandi og UNICEF starfað saman að öðrum verkefnum í gegnum tíðina eins og uppbyggingu menntastarfs í Burkino Faso, stuðning við Dag rauða nefsins, neyðarviðbrögð við náttúruhamförum og sérstakar barnafatalínur tileinkaðar baráttu UNICEF fyrir bættum hag barna í heiminum.
“Samstarf okkar við UNICEF hefur verið mikilvægur þáttur í samfélagsverkefnum sem við látum okkur varða hjá Lindex og við erum sérlega stolt og ánægð að þessi jól munum við munum í krafti okkar frábæru viðskiptavina sækja fast að 30 milljóna króna markinu í baráttunni fyrir bættum hag barna í heiminum,” segir Lóa Dagbjört Kristjánsdóttir, umboðsaðili Lindex á Íslandi.
Jólakortin verða til sölu á laugardaginn en einnig er hægt að versla Sannar gjafir í vefverslun UNICEF og vefverslun lindex.is.
Stórskemmtilegt myndband með börnunum í aðalhlutverki má finna hér:
https://app.frame.io/presentations/1543e4ba-725d-40e4-baba-5dfd7f32caa0
Nánari upplýsingar veita undirritaðar góðfúslega:
Lóa D. Kristjánsdóttir, umboðsaðili Lindex á Íslandi Sími: 771-7493
Ingibjörg Magnúsdóttir, verkefnastýra UNICEF á Íslandi Sími: 618-4420
]]>Eins og alkunna er hefur gengi íslensku krónunnar tekið miklum breytingum undanfarna mánuði gagnvart helstu gjaldmiðlum og ekki síst gagnvart Bandaríkjadal (USD) sem er okkar innkaupagjaldmiðill. Hækkunin á gjaldmiðlinum nemur tæplega 20% síðan í byrjun ágúst. Við teljum það því ábyrgðarhlutverk, líkt og þegar um gengisstyrkingu er að ræða, að bregðast rétt við þeirri veikingu krónu sem hefur átt sér stað undanfarið með verðbreytingu.
Gengisstyrking síðustu ára hefur verið mætt af okkur með 4 verðlækkunum frá byrjun árs 2016 sem nemur um 27% verðlækkun í heildina. Það er því með miklum trega að við drögum að hluta til baka þær verðlækkanir sem við höfum tilkynnt um s.l. tvö ár með hækkun verðs í fyrsta sinn frá upphafi um að meðaltali 5,9%. Það má þó benda á að þrátt fyrir þessa verðbreytingu stendur eftir myndarlegur hluti af þeim verðlækkunum sem eru undanfari þessara verðbreytinga nú.
Þess má geta að í sumum tilvikum eru sumir verðpunktar ennþá lægri á Íslandi en það sem gengur og gerist í löndum sem við berum okkur gjarnan við, s.s. í Noregi og fjöldi þeirra sem taka engum breytingum ásamt því að í sumum tilvikum lækkar verð þótt því miður séu heildaráhrifin til hækkunar.
Í framhaldi af þessu munum við áfram fylgjast með þróuninni í þeirri von um að það gefi svigrúm til frekari lækkun verðs á nýjan leik.
Nánari upplýsingar veitir undirritaður góðfúslega:
Albert Þór Magnússon, umboðsaðili Lindex á albert@lindex.is eða í s. 691-3101.
Sjöunda árið í röð sem Lindex styrkir baráttuna gegn brjóstakrabbameini
-Bleika armbandið uppselt
Sérlega ánægjulegur árangur hefur náðst vegna sölu Bleiku Slaufunnar, Bleika Armbandsins og nú fjölnota pokanna til styrktar baráttunni gegn brjóstakrabbameini. Í krafti viðskiptavina hefur Lindex lánast að selja upp allt upplag Bleika armbandsins sem sérstaklega er hannað fyrir Lindex í tilefni baráttunnar og Bleiku slaufunni. Einnig eru Bleiku pokarnir að mestu uppseldir.
3,3 millj. kr. ganga til baráttunar
Styrkur sem rennur til Krabbameinsfélags Íslands og samanstendur af sölu Bleiku Slaufunnar, Bleika armbandsins og Bleiku fjölnota pokanna er því sérlega veglegur eða að upphæð rúmlega 2,5 millj. kr. Þetta telst vera meðal hæstu styrkja Lindex til þessa til baráttunnar gegn brjóstakrabbameini.
“Sameiginleg baráttu okkar sem nú spannar næstum áratug hefur staðið okkur mjög nærri og höfum við í krafti viðskiptavina okkar gert baráttuna að okkar. Verkefni Krabbameinsfélags Íslands snertir okkur sem og velflesta með einum eða öðrum hætti og erum við því stolt og um leið þakklát að geta státað af þessum árangri í krafti okkar frábæru viðskiptavina” segir Lóa Dagbjört Kristjánsdóttir, umboðsaðili Lindex á Íslandi.
Til viðbótar hefur sala farið fram í gegnum verslanir Lindex og samstarfsaðila til styrktar Krabbameinsfélagi Selfoss, Krabbameinsfélagi Akureyrar, Krabbameinsfélagi Akraness og Krabbameinsfélagi Keflavíkur sem njóta samanlagt yfir 700 þús. kr. styrks vegna þessa þetta árið.
Samtals er því framlag viðskiptavina Lindex til baráttunnar gegn brjóstakrabbameini 3,3 millj. kr. árið 2018.
Frá upphafi hafa safnast um 19 millj. kr. í gegnum Lindex til baráttunnar gegn brjóstakrabbameini.
"Þessi mikli stuðningur sem Lindex veitir okkur er ómetanlegt innlegg í baráttuna gegn krabbameinum. Til að Krabbameinsfélagið geti sinnt starfi sínu og veitt þeim sem greinast með krabbamein og aðstandendum þeirra þjónustu, reiðir félagið sig á stuðning almennings og fyrirtækja. Bakhjarlar á borð við Lindex sem standa með okkur ár eftir ár skipta okkur því gífurlega miklu máli,” segir Halla Þorvaldsdóttir, framkvæmdastjóri Krabbameinsfélags Íslands
]]>
Á Laugavegi 7, mun nú í fyrsta sinn verða boðið upp á alla vörulínu Lindex í gegnum sértækt vöruúrval sem er á staðnum í sambland við framúrskarandi þjónustu netverslunar lindex.is. Boðið verður upp á afhendingu samdægurs alla virka daga en jafnframt er þetta fyrsta Lindex verslunin í heiminum sem opnuð er með “click and collect” fyrirkomulagi. Risaspjaldtölvur prýða veggina og netstofa er á staðnum til að tryggja frábæra upplifun enn frekar.
Í dag opnar sértæk verslun í miðbænum þar sem saman kemur úrval úr barna-, dömu- og undirfatnaði ásamt snyrtivörum Lindex sett í samhengi við sértæka þjónustu við val úr netverslun lindex.is. Með þessu verður viðskiptavinum gefin aðgangur að allri vörulínu Lindex með nýjum og spennandi hætti.
“Þegar við opnuðum undirfataverslun fyrr á árinu tókum við strax eftir því að mikil eftirspurn var eftir öðrum vörum úr okkar frábæra úrvali dömu- og barnafatnaðar. Við höfum því síðasta hálfa árið unnið með arkitektum Lindex að þessari einstöku verslun sem sameinar þægindin sem felast í því að versla á netinu og að geta mátað og skoðað vöruna “ segir Lóa Dagbjört Kristjánsdóttir, umboðsaðili Lindex á Íslandi.
Hönnun verslunarinnar einkennist af skandinavísku yfirbragði og er rauði liturinn ríkjandi í smáatriðum og í gegnum verslunina sem dregur fram einkenni vörumerkisins. Þægindin eru undirstrikuð með sérstakri netstofu þar sem notaleg stemmning tekur á móti viðskiptavinum þar sem þeir geta fengið sér kaffibolla á meðan þeir skoða allt vöruúrval Lindex á risaskjám.
Aukin þjónusta í breyttu verslunarmynstri
Í versluninni, sem er um 130 fm. að stærð geta viðskiptavinir verslað allar nýjustu línur barna-, dömu- og undirfatnaðar Lindex á staðnum en auk þess verslað á lindex.is og fengið afhent samdægurs alla virka daga í lok dags. Einnig munu þeir sem versla að heiman geta sent pöntun sína á Laugaveginn og fengið pantanir sem berast fyrir kl. 15:00 afgreiddar samdægurs.
Með þessu móti verður unnt að fyrirbyggja eitt af höfuðviðfangsefnum þessa vaxandi verslunarforms en það er að geta skoðað og mátað, skilað og skipt með auðveldum hætti.
“Miðbæjarsvæðið er þéttbýlasta svæði landsins þar sem stutt er á milli staða. Það má því leiða líkum að því að íbúar í nágrenninu eigi auðvelt með að nýta sér þjónustu sem þessa. Þar að auki er mikill fjöldi ferðamanna sem sækja okkur heim í miðborginni og með afhendingu samdægurs erum við að gera þessum viðskiptavinahóp góð skil. “ segir Lóa Dagbjört Kristjánsdóttir,. “Netverslun er sífellt að ryðja sér meira og meira til rúms hér á landi en í Danmörku fer til dæmis 25% verslunar með fatnað og skó fram í gegnum netið. Þessi staðreynd og síbreytilegt markaðsumhverfi hvetur okkur til að taka skref eins og þessi sem við erum að gera í dag. Við erum því spennt að geta boðið allt okkar vöruúrval hér í miðbæ Reykjavíkur,” segir Lóa ennfremur.
“Við hjá Lindex erum knúin áfram á því að gera upplifun viðskiptavinarins sem jákvæðasta. Við viljum bjóða upp á spennandi og einfalda verslunarupplifun á öllum sviðum. Hér fær viðskiptavinurinn tækifæri til að versla með hætti sem á sér ekki hliðstæðu. Það er virkilega ánægjulegt fyrir okkur að gera þetta fyrst hér á Íslandi,” –segir Johan Isacson, yfirmaður umboðsmála hjá Lindex.
Verslunin á Laugavegi 7 opnar kl. 17:00 í dag.
]]>Þriðja árið í röð taka Lindex og UNICEF höndum saman og bjóða viðskiptavinum upp á Sannar Gjafir sem bæta hag barna um heim allan. Á milli kl. 13 og 16 verður í Smáralind myndataka með jólasveininum, kynning frá UNICEF og 30% afsláttur af öllum yfirhöfnum.
Sannar gjafir eru hjálpargögn fyrir börn í neyð og eru seld í verslunum Lindex sem falleg jólakort. Kortin eru skreytt með myndum af íslensku jólasveinunum sem Brian Pilkington teiknaði. Hvert jólakort inniheldur hjálpargögn sem UNICEF sendir til barna í neyð. Dæmi um þær gjafir sem eru í boði er til dæmis næringarmjólk Askasleikis fyrir vannærð börn, en í hverri 1.500 kr. gjöf eru 10 skammtar af orkuríkri þurrmjólk sem notuð er til að meðhöndla allra veikustu börnin á næringarmiðstöðvum og sjúkrahúsum sem UNICEF starfar með. Kertasníkir sendir barni í neyð hlýtt teppi, Stekkjastaur útvegar 20 skammta af jarðhnetumauki og Pottaskefill tryggir 7.500 lítra af hreinu vatni með vatnshreinsitöflum. Þessar gjafir eru allar til sölu í verslunum Lindex um allt land. Einnig er hægt að versla Sannar gjafir á lindex.is og sannargjafir.is.
“Okkur þykir rosalega vænt um þetta samstarf og erum viðskiptavinum og starfsfólki Lindex ævinlega þákklát fyrir að hjálpa okkur að útvega hjálpargögn fyrir börn sem búa nú við erfiðar aðstæður,“ segir Vala Karen Viðarsdóttir hjá UNICEF á Íslandi. „Strax eftir jólin sér UNICEF síðan til þess að koma hjálpargögnunum til þeirra barna sem á þurfa að halda.“ segir Vala ennfremur.
Viðskiptavinir Lindex stutt dyggilega við UNICEF- um 20 milljónir frá upphafi
Nú þegar hafa viðskiptavinir Lindex verið duglegir í baráttunni fyrir bættum hag barna og hafa um 4.000 Sannar gjafir selst hjá Lindex frá upphafi. Jafngildir það að 40.000 skömmtum af næringarmjólk eða 80.000 skömmtum af jarðhnetumauki sem UNICEF hefur getað notað í þágu barna þar sem þörfin er mest vegna þessa einstaka samstarfs.
Að auki hefur Lindex á Íslandi og UNICEF starfað saman að öðrum verkefnum í gegnum tíðina eins og uppbyggingu menntastarfs í sumum af fátækustu löndum heims, stuðning við Dag Rauða nefsins, neyðarviðbrögð við náttúruhamförum og sérstakar barnafatalínur tileinkaðar baráttu UNICEF fyrir bættum hag barna í heiminum.
Á þessum tíma hefur Lindex á Íslandi, í krafti viðskiptavina sinna, stutt baráttu UNICEF samtals um tæplega 20 milljónir króna fyrir bættum hag barna í heiminum.
“Samstarf okkar við UNICEF hefur verið mikilvægur þáttur í samfélagsverkefnum sem við látum okkur varða hér hjá Lindex og við erum sérlega stolt og ánægð að þessi jól munum við fara kyrfilega yfir 20 milljóna króna markið í baráttunni fyrir bættum hag barna í heiminum,” segir Lóa Dagbjört Kristjánsdóttir, umboðsaðili Lindex á Íslandi.
UNICEF dagur Lindex
Til að undirstrika samstarfið fagna UNICEF og Lindex saman í Smáralind kl. 13-16 í dag. Í boði verður kynning frá UNICEF þar sem gestum og gangandi gerist kleift að setja á sig sýndarveruleikagleraugu þar sem skyggnst er í veruleika barna í flóttamannabúðum. Hildur, tónlistarkona mun taka nokkur vel valin lög í anda jólanna auk þess sem jólasveinninn verður á staðnum og börnum og fjölskyldum þeirra boðið að taka mynd með sveinka.
]]>Opnun Lindex á Akranesi var gríðar vel sótt um helgina þar sem rúmlega 15% allra Vestlendinga lögðu leið sína í miðbæ Akraness, eða sem samsvarar rúmlega 35% allra bæjarbúa. Samtals um 2.500 manns mættu til að fagna opnun fyrstu tískukeðju sem opnað hefur í þessum öfluga landshluta sem telur tæplega 16.000 manns.
Verslunin opnaði með pompi og prakt á laugardaginn á slaginu klukkan 12 og fylltist á augabragði. Gestir og velunnarar skemmtu sér vel undir tónum DJ Dóru Júlíu auk þess sem boðið var upp á popp og blöðrur fyrir yngstu kynslóðina ásamt andlitsmálningu sem fjölmargir nýttu sér.
„Við erum í skýjunum yfir þessum frábæru móttökum sem fóru fram úr okkar björtustu vonum. Við erum gríðarlega þakklát hvernig til hefur tekist og hlökkum til framhaldsins hér á Vesturlandi,“segir Lóa Dagbjört Kristjánsdóttir-umboðsaðili Lindex á Íslandi
Við opnun hverrar Lindex verslun er veittur styrkur að vali starfsfólks sem er ákveðið hlutfall af sölu á opnuninni en að þessu sinni hlýtur Team Rynkeby styrkinn að upphæð 400 þús. kr. og gengur hann óskertur til Styrktarfélags krabbameinssjúkra barna. Nánar má lesa um þetta verkefni hér: http://www.team-rynkeby.is/frettir
]]>Nú í ár styður Lindex baráttuna gegn brjóstakrabbameini með sölu á lúxus undirfatalínu þar sem 10% af sölu línunnar rennur til styrktar rannsóknum á brjóstakrabbameini.
“Við vildum búa til fallegar flíkur fyrir góðan málstað. Með áherslu á fegurð og þægindi hönnuðum við þessa undirfatalínu með fáguðum efnum og fínlegum smáatriðum í fallegum litum allt frá dimmbleikum í dökkrauðan” segir Annika Hedin, yfirhönnuður Lindex.
Bleika línan samanstendur af 18 flíkum af heimafatnaði og undirfatnaði í miklum gæðum; brakandi hvíta silkiskyrtan, mjúka gráa kasmír settið og flauels sloppurinn í antikbleiku ásamt undirfötum í bleikum og svörtum tónum með glæsilegri blúndu. í línunni er einnig að finna mjúkan brjóstahaldara fyrir konur sem hafa farið í brjóstnám.
Af sölu bleika armbandsins sem er með gylltri keðju og fallegum bleikum steini mun allur ágóði renna til styrktar baráttunni gegn brjóstakrabbameini. Sú barátta er stór hluti af skuldbindingu Lindex sem hefur síðustu ár safnað fé til styrktar málstaðnum. Línan kemur í takmörkuðu magni í verslanir Lindex þann 6.oktober nk.
Fleiri myndir af línunni má nálgast hér:
Með nýrri hugmyndafræði ‘Pants Solution’, verður það auðveldara en nokkru sinni fyrr fyrir Lindex viðskiptavini að finna sitt uppáhaldsbuxnasnið.
“Við vitum að margar konur eiga erfitt með finna rétta buxnasniðið og því viljum við breyta. Með þessari nýju hugmyndafræði verður auðveldara fyrir viðskiptavini okkar að kaupa buxur”, segir Malin Lindgren, hönnuður og innkaupastjóri hjá Lindex.
Fyrir 3 árum síðan kynnti Lindex Bravolution sem hefur auðveldað mörg þúsund konum að finna rétta brjóstahaldarann. Nú notar Lindex sömu hugmyndafræði fyrir buxurnar sínar og kynnir nokkur mismunandi snið með kvenmanssnöfnum. Þegar viðskiptavinurinn hefur fundið sínar uppáhaldsbuxur verður auðveldara að finna þær í nýjum útgáfum án þess að þurfa að máta.
“Segjum sem svo að þú hafir mátað nokkrar gerðir og fundið út að Nomi sé þitt uppáhald. Þá veistu að allar buxur með þessu nafni passa alveg eins vel, óháð hvort hönnunin sé önnur eða efnið. Þetta einfaldar það að versla bæði á netinu og inní búðinni”, segir Malin Lindgren.
Nea, Iris og Nomi er 3 af þeim týpum sem viðskiptavinir Lindex munu sjá og fleiri eru nú þegar fáanlegar í verslunum okkar og enn fleiri eiga eftir að koma. Í haust verða 15 mismunandi gerðir af buxum þ.m.t. gallabuxum.
Buxnatýpur - Versla buxur
Gallabuxnatýpur - Versla gallabuxur
Hér má skoða allar buxnatýpurnar (á ensku)
]]>Forráðamenn Lindex á Íslandi hafa ákveðið að opna nýja verslun á Akranesi laugardaginn 4. nóvember næstkomandi. Verslunin er um 360 fm. að stærð og er staðsett í miðbæ Akraness milli Eymundsson og Krónunnar. Verslunin mun bjóða tískufatnað fyrir konur, undirfatnað, barnafatnað og snyrtivörur á hagkvæmu verði.
“Ég er óskaplega spenntur fyrir því að opna það sem ég er sannfærður um að verði glæsileg Lindex verslun hér á Akranesi. Verslun okkar á Suðurnesjum hefur gengið vonum framar og hefur hvatt okkur áfram til að taka næstu skref og er því sérlega ánægjulegt að geta kynnt þetta í dag,“ segir Albert Þór Magnússon, umboðsaðili Lindex á Íslandi.
Verslun Lindex á Akranesi verður til húsa að Dalbraut 1, við hlið bókaverslunar Eymundsson og Krónunnar en þar eru einnig Subway, Bókasafn Akraness, Ormsson, Íslandsbanki og Tónlistarskóli Akraness. Þar var síðast verslun árið 2008, þegar tölvuverslun BT var þar til húsa. Með þessari breytingu mun allt húsnæði í miðbænum vera útleigt að fullu.
"Við erum gríðarlega ánægð með að hafa náð saman með Lindex um uppbyggingu á Akranesi. Verslun Krónunnar hefur verið mjög vaxandi síðustu misseri og því er þessi breyting mikið framfaraskref fyrir miðbæ Akraness og Vestlendinga ásamt öðrum gestum sem þangað sækja," segir Þórarinn Ingi Ólafsson, framkvæmdastjóri Festis fasteignafélags.
Akranes er stærsta bæjarfélagið á Vesturlandi með um 7.000 íbúa og er stærsti þjónustukjarni fyrir landshlutann. Undirbúningur fyrir opnun Lindex á Akranesi er þegar hafin en útlit verslunarinnar verður eftir svokallaðri „clean concept“ hönnun Lindex en að auki verða kynntir þættir sem ekki hafa litið dagsins ljós í Lindex hér á landi. Innréttingahönnunin byggir á björtu yfirbragði þar sem hvítur er áberandi litur í bland við svart og viðartóna sem gefa útliti verslunarinnar skandinavískt yfirbragð.
Hugmyndafræði „clean concept“ nær einnig til umhverfis- og sjálfbærnisstefnu Lindex og þetta endurspeglast í stöðugt auknu framboði vara framleiddum með sjálfbærum hætti. Fyrirtækið hefur einsett sér að 80% af framleiðslunni verði framleitt með sjálfbærum og umhverfisvænum hætti fyrir árið 2020 og 100% af bómull Lindex verði framleidd með
lífrænum og/eða sjálfbærum hætti fyrir þann tíma. Síðastliðið haust kynnti einnig Lindex möguleika til að endurnýta fatnað með því að skila til verslunarinnar og verða umbunað með inneign í gegnum aðild að vildarklúbbnum More at Lindex. Þess ber að geta að langstærstur hluti af barnalínu Lindex er framleiddur úr lífrænni bómull nú þegar og
endurunnum efnum.
"Við erum mjög spennt fyrir opnuninni og vonumst til að sjá sem flesta Vestlendinga á opnunardaginn, laugardaginn 4. nóvember,“ segir Lóa Dagbjört Kristjánsdóttir, umboðsaðili Lindex á Íslandi
]]>Okkur hafa borist upplýsingar um að eitt par (þeim með myndinni af Önnu) í Disney Frozen pakkanum með vörunúmeri 833 7410285 5170 1611 uppfyllir því miður ekki kröfur Lindex um gæði. Sokkarnir innihalda kemískt efni, carcinogenicsem, sem er bannað í allri framleiðslu Lindex.
Efnið sem hefur fundist er ekki leyfilegt þar sem það brotnar niður í efni sem grunur leikur á um að sé krabbameinsvaldandi. Efnið var uppgvötað í aðeins einni sendingu af þessum sokkum en til að fyllstu varúðar sé gætt hvetjum við viðskiptavini okkar sem hafa keypt þessa vöru að skila henni i næstu verslun og fá að fullu endurgreitt.
Öryggi viðskiptavina okkar og gæði í vörunum okkar eru forgangsmál hjá Lindex og við leggjum gríðarlega mikla áherslu á það við framleiðslu á tískuvörum okkar. Við hörmum að þessir sokkar hafi komist í gegnum gæðaeftirlit okkar.
Innköllunin á aðeins við um sokka með vörunúmeri 833 7410285 5170 1611.
Með nýju 1.000 fm. vöruhúsi sem opnað var í vor er þessi breyting gerð möguleg nú og mun fjölga verulega þeim sem daglega aðgang hafa að vöruúrvali Lindex.
Boðið er upp á fjölmarga afhendingarkosti, allt frá því að sækja vöruna daginn eftir kaup í eina af verslunum Lindex til þess að fá hana senda beint heim að dyrum. Afhending í verslanir LIndex er alltaf án endurgjalds og á pósthús er sendingin ókeypis sé verslað fyrir meira en 5.000 kr.
„Við erum yfir okkur ánægð að geta boðið okkar hagkvæmu tískuvörur í netverslun sem er á íslensku og gefa upp verð í íslenskum krónum. Einnig er gaman að segja frá því að við bjóðum upp á sérstakt netverð fyrstu mánuðina sem gerir enn hagkvæmara en ella að versla tískufatnað Lindex á netinu,“ segir Lóa Dagbjört Kristjánsdóttir, umboðsaðili Lindex á Íslandi.
Lindex leggur mikla áherslu á samfélagslega ábyrgð og virðingu fyrir því hvernig varan er framleidd þ.e. umhverfinu og manneskjunni sem framleiðir vöruna sem endurspeglast í stöðugt auknu framboði vara framleiddum úr lífrænni bómull. Fyrirtækið hefur einsett sér að 80% af framleiðslunnar verði framleidd með sjálfbærum og umhverfisvænum hætti fyrir árið 2020 auk þess sem 100% af bómull fyrirtækisins verður framleidd með sjálfbærum hætti fyrir þann tíma.
”Netið er ört vaxandi markaður og því er sérstaklega ánægjulegt að geta boðið okkar vöruúrval, allt á einum stað og með aðgengilegum og einföldum hætti. Við erum sérlega stolt af því vöruúrvali sem við bjóðum og erum sannfærð um að þegar skoðað er samhengi verðs og gæða á það sér ekki hliðstæðu. Við hvetjum folk til að nýta sér tækifærið og gera samanburð”, segir Lóa Dagbjört Kristjánsdóttir, umboðsaðili Lindex á Íslandi.
Lindex rekur 6 verslanir á Íslandi-í Smáralind, tvær verslanir í Kringlunni, Glerártorgi á Akureyri og undirfataverslun á Laugavegi 7 auk verslunar í Krossmóa í Reykjanesbæ sem opnaði í lok júlí. Netverslun bætist nú við þessa flóru verslana kl. 12:00 í dag.
]]>Verslunin verður staðsett í húsum byggðum skv. útliti Edinborgarhússins sem var áður í Hafnarstræti í Reykjavík og Hótel Björninn sem stóð í Hafnarfirði við hliðina á þar sem A. Hansen stendur í dag. Verslunin mun bjóða allar þrjár meginvörulínur Lindex og verður byggð upp með nýjustu hönnun Lindex verslana sem leit fyrst dagsins ljós í London. Hönnunin byggir á björtu yfirbragði, ólíkum litbrigðum hvítra lita og svartra auk viðar sem gefur versluninni skandínavískt yfirbragð. Verslunin mun því draga saman hið gamla útlit eldri endurbyggðra húsa og hið nýja útlit verslunarinnar með hætti sem á sér hvergi hliðstæðu.
"Það er frábær tilfinning að vera loksins að koma aftur heim á Selfoss og opna hér Lindex verslun. Hugmyndin að stofnun Lindex á Íslandi má einmitt rekja til þess þegar við bjuggum hér og ég var í fæðingarorlofi með miðjubarnið okkar. Þá fann ég fyrir því hversu mikil þörf var fyrir góð barnaföt á góðu verði, síðan eru liðin rúm 8 ár og hér erum við komin aftur. Sveitungar okkar hafa verið duglegir að koma og versla við okkur í Reykjavík en nú aukum við þjónustuna enn frekar við Sunnlendinga og færum okkur nær þeim þangað sem þetta allt byrjaði“ segir Lóa D. Kristjánsdóttir, umboðsaðili Lindex á Íslandi
Lindex leggur mikla áherslu á samfélagslega ábyrgð og virðingu fyrir því hvernig varan er framleidd þ.e. umhverfið og fólkið sem framleiðir vöruna og þetta endurspeglast í stöðugt auknu framboði vara framleiddum úr lífrænni bómull. Fyrirtækið hefur einsett sér að 80% af framleiðslunni verði framleitt með sjálfbærum og umhverfisvænum hætti fyrir árið 2020. Í haust kynnti einnig Lindex möguleika til að endurnýta fatnað með því að skila til verslunarinnar og verða umbunað með inneign í gegnum aðild að vildarklúbbnum More at Lindex. Langstærstur hluti af barnalínu Lindex er framleiddur úr lífrænni bómull og endurunnum efnum og við hönnun eru þarfir barnanna í fyrirrúmi. Fyrirtækið vinnur einnig gegn kynjamisrétti í fátækustu ríkjum heims og hjálpar konum að sækja sér menntun og heilbrigðisþjónustu í gegnum verkefni eins og HERproject og WEWomen by Lindex.
”Það er okkar meginmarkmið að miðbærinn muni þjóna aðallega tvíþættu hlutverki, verði miðpunktur verslunar og viðskipta fyrir Sunnlendinga um leið og að vera áfangastaður fyrir þá fjölmörgu gesti sem leggja leið sína hingað á Selfoss. Það að fá Lindex í lið með okkur í þessari viðleitni er frábært skref fram á við”, segir Leó Árnason, frkv.stj. Sigtúns Þróunarfélags
Húsin sem munu hýsa Lindex, verði deiliskipulagið samþykkt, hafa sérlega áhugaverða sögu en um 100 ár eru síðan fólk leit Edinborgarhúsið augum en það fórst í eldsvoðanum mikla árið 1915 þegar vefnaðarvörudeild Edinborgar var þar starfandi. Húsið var þekkt sem viðkomustaður fjölmargra í verslunarhugleiðingum eftir vefnaðarvöru og gegndi því hlutverki fram á síðasta dag eða allt frá árinu 1854.
Hótel Björninn var upphaflega byggt árið 1906 og hýsti meðal annars veiðarfæradeild Kaupfélags Hafnarfjarðar en húsið var rifið árið 1966 þegar gatan sem liggur framhjá A. Hansen í Hafnarfirði var breikkuð.
]]>“Við erum mjög spennt að sýna fyrstu Lookbook barnalínuna okkar og sýna barnafötin á nýjan, skemmtilegan og nútímalegan hátt. Við höfum leitast við að sameina daglegar þarfir barnanna við það nýjasta í tískunni” segir Annika Hedin, yfirhönnuður Lindex.
Línan einkennist af pífum, áberandi rennilásum, síðum sniðum og ekki má gleyma Bomberjakkanum sem kemur í mörgum skemmtilegum útfærslum. Andstæðir litir, málmprent, kóbalt blár, hvítur og bleikur gefa henni skemmtilegan blæ. Rifflaðar prjónapeysur, sterkir litir og glansandi satínhúfur eða prjónahúfa gerir börnin tilbúin í ævintýri haustsins!
Ljósmyndari: Nils Odier
Stylist: Kattis Lindoff
]]>Verslunin, sem staðsett er í aðalgangi verslunarmiðstöðvarinnar Krossmóa, mun bjóða allar þrjár meginvörulínur Lindex.
„Við erum ótrúlega ánægð að eiga möguleika á að flýta opnun í kjölfarið af því að framkvæmdir gengu framar björtustu vonum. Næstu daga munum við vinna stíft að því að stilla upp versluninni og þannig bjóða einstaka tískuupplifun til viðskiptavina okkar á Suðurnesjum. Við hlökkum mikið til að á Suðurnesjunum á laugardaginn kemur.“ segir Lóa Dagbjört Kristjánsdóttir, umboðsaðili Lindex á Íslandi.
Lindex leggur mikla áherslu á samfélagslega ábyrgð og virðingu fyrir því hvernig varan er framleidd og hefur fyrirtækið einsett sér að 80% framleiðslunnar verði framleidd með sjálfbærum og umhverfisvænum hætti fyrir árið 2020. Auk þess verður 100% af bómull fyrirtækisins framleidd með sjálfbærum hætti fyrir þann tíma.
Þess ber að geta að nýja verslunin verður byggð upp með nýrri innréttingahönnun Lindex sem leit dagsins ljós fyrst við opnun í London. Hönnunin byggir á björtu yfirbragði, ólíkum litbrigðum hvítra lita og svartra auk viðar sem gefur versluninni skandínavískt yfirbragð. Verslunin mun því veita viðskiptavinum innblástur og einstaklega hlýlegar móttökur sem á sér ekki hliðstæðu.
Verslunarmiðstöðin Krossmói var byggð árið 2008 og fjölþætt þjónusta er í húsinu sem hýsir m.a. verslun Nettó, Lyfju apótek og ÁTVR á Suðurnesjum. Húsið er um 10.000 m² og staðsett er í hjarta bæjarins.
Lindex rekur nú 5 verslanir á Íslandi-í Smáralind, tvær verslanir í Kringlunni, Glerártorgi á Akureyri og undirfataverslun á Laugavegi 7.
Nokkrar lykilstaðreyndir um Lindex:
Lindex býður upp á kventískufatnað, nærfatnað og barnafatnað auk snyrtivara
Lindex starfrækir um 480 verslanir í 16 löndum og verslanir á netinu í öllum ESB löndum
Hjá fyrirtækinu starfa um 5.000 manns-um 100 manns á Íslandi
Aðalskrifstofur Lindex eru í Gautaborg i Svíþjóð
Lindex tilheyrir Stockmann Group sem er aðili að finnsku kauphöllinni
Lindex á Íslandi styður baráttu UNICEF fyrir bættum hag barna í heiminum og Krabbameinsfélag Íslands Frekari upplýsingar má finna á www.lindex.com og á Facebook – Lindex Iceland
]]>