30 daga skilaréttur

Lindex lækkar verð um allt að 22%.

Í ljósi bættra samninga við innlenda og erlenda birgja ásamt tilvonandi styrkingu íslensku krónunnar gagnvart Bandaríkjadal hefur Lindex á Íslandi ákveðið að lækka verð um allt að 22% eða 8% að meðaltali.

 

Íslenska krónan hefur styrkst gagnvart evrópskum gjaldmiðlum en minna gagnvart Bandaríkjadal sem er innkaupagjaldmiðill fyrirtækisins.  Undanfarnar vikur hafa því verið skoðaðar leiðir sérstaklega til þess að lækka verð eins og frekast er kostur og er því sérlega ánægjulegt að ná þessum árangri og tilkynna um verðlækkun í dag.

Á starfstíma sínum hefur Lindex á Íslandi ekki hækkað almennt verð jafnvel þótt íslenska krónan hafi veikst en einungis hefur komið til ein verðbreyting frá upphafi en hún var til lækkunnar.  Um áramótin síðustu þegar tollar voru afnumdir skilaði fyrirtækið niðurfellingu tolla að fullu til viðskiptavina sinna.

Endurnýjun samninga við innlenda og erlenda birgja sem unnið hefur verið að sl. vikur m.t.t. endurskoðunar verðs kemur einnig fram í þessari verðbreytingu í dag.

 

Þess ber að geta að Lindex er hluti neysluverðsvísitölu Hagstofunnar og því mun þetta hafa jákvæð áhrif á vísitölu neysluverðs.

Verðbreyting þessi tekur gildi þegar í stað.